【中美爭霸】美國制裁11名中港官員| 香港走向不歸路| 【中文字幕】#中美爭霸#地緣政治#民主自由#意識形態#社會主義#民族主義#孫子兵法#不戰而屈人之兵#不歸路#你死我亡- YouTube
August 10, 2020
Drop Subs Here
First line starts at Updating... Updated

Channel: 平行時空政經聚 -Polieconomics
美國就決定咗制裁11個中港嘅官員
咁大家我相信對於個名單
都耳熟能詳
亦唔需要在此一一介紹
今日反而想就此議題同大家討論往後局勢發展可能性
簡單少少點題來講 我認為香港正踏上一條不歸路
最近香港嘅
在中美爭霸之下的局勢嘅發展和背景來看
就似太陽由東邊升起一樣正常的事情
如果你第一次睇我哋嘅頻道 我們是誰 一個由最宏觀的角度從高空三萬呎同大家分享
政治 經濟和投資方向的頻道
大家都知道香港過去嘅角色呢就係作為
中西之間的橋樑
無論係人和資金都係經過香港進出中國大陸和西方國家
香港今時今日在此十字路口裡 其實我哋似乎冇諗過
是向左或向右行
而是全速前進向前衝
較早之前我哋都分享嗰段有關於孫子兵法嘅文章 講到中美爭霸的內容
其中就提到道 即是政治
大家都要自己嘅人民 自己意識形態裏面嘅人都會歸邊
靠邊站去統一戰線和陣營
今日你會介紹第二個有關孫子兵法嘅concept 就好似今天中美爭霸
大家都喺度用緊啲技倆
呢個就講什麼
故百戰百勝
非善之善者 不戰而屈人之兵 善之善者也
意思是打親仗都贏 唔代表係最叻 最叻是什麼
係唔需要打仗
都可以控製到對方的兵 或者是對方的人
咁先至為最高的一著
其實唔單止喺21世紀嘅今日 大家其實
返去到第二次世界大戰期間 其實德國和英國雙方都有曾經使用
戰機不是轟炸對方 而是派傳單
即係話對方嘅政權
先至係我哋嘅敵人
並不是代表對方人民係我哋嘅敵人
所以喺今日中美爭霸來說 美國如果要做到不戰而屈人之兵
其實基本上過去都係透過意識形態嘅宣傳
簡單嚟講就係美式嘅民主自由嘅普世價值觀
這方面呢其實係好多戰場裏面美國都
唔好話百戰百勝 但從施故技其實都得到唔少甜頭
咁我哋可以睇返美國總統特朗普嘅
有關於他的自傳 其實當中都提到佢一啲思考模式 大家可以參考一下
Highlight咗嘅部分 其實幾個字就可以概括咁講出來
簡單嚟講就係順我者生
逆我者亡 即係話你根據美國既定嘅全球秩序去行事的話 咁你就我哋盟友
咁我就會畀甜頭你 你會因為咁樣而得到好處
但如果你冇根據美國制定的全球秩序去行事 或者去生活的話
咁你就會受到打壓
或者係一個嘅攻擊
當然呢度唔係同大家去評論對錯 而係透過參考呢啲咁樣嘅
資料或者說法呢就大家去評價或者叫做討論今日嘅局勢
類似呢啲例如話我們支持呢個民主自由 他們就可以殺我了 這講緊有關於六四的事件
直到去到最近一兩年 即係反修例或者反送中嘅風波
所引伸嘅口號 其實基本上都有啲異曲同工之處
呢個民主自由 或者叫做普選啲價值觀
其實往往都能夠 真係收到不戰而屈人之兵嘅效果
啱啱就住呢一個
制裁裏面呢個財長姆欽就提到 美國係同香港嘅人民
站在一起我們會用我們嘅工具和權威去打一嗰啲傷害
佢哋自治嘅人
除咗姆欽之外 蓬佩奧亦有類似嘅言論
咁我中國係咪坐喺度任你打呢 咁當然其實都唔係
中國雖然未能夠做到
喺孫子兵法裏面所講不戰而屈人之兵 反過嚟去
勾返你自己國內嘅美國人嘅支持 即係所謂嘅社會主義或者共產主義政權
中國呢其實係可以團結啲過去
不被美國眷顧的一些政權
來去重新整理自己嘅戰線 得到一啲嘅小國嘅支持
咁呢一樣嘢呢就係話
如果你要做到不戰而屈人之兵的話
中國其實有啲嘢係可以defence的 其中一個好重要的是因為中國人
過去受過幾百年嘅苦難
即係晚清去到中共建國之前
或者叫做中共建國之初就都受過好幾百年嘅苦難
呢個民族復興嘅偉大民族的中國夢
正正就係中國一個好強大一個嘅
Defense嘅mechanism 或者喺一個weapon 咁大家見到在
唔同嘅中國嘅文宣裏面基本上
都會將香港嘅事務和14億中國人民的生活
或者幸福嘅福址係晝上一個等號
故今天嚟講大家見得到世界兩大陣營
其實就係用民主自由嘅意識形態對峙
中國因受到多年苦難
民族復興嘅民族主義
頭先雖然我哋見得到 即係美式民主其實喺全球都收到一個
好大嘅作用所以我哋成日都講
民主自由這個普世價值觀
但這邊廂其實中國民族主義呢張牌 其實嗰個嘅power都唔弱
我哋見到呢其實
有關於呢方面嘅民族主義嘅諮詢或者叫做壯大
其實特區政府官員
有啲嘅說法裏面好睇得到
咁其中有表表者 就係林鄭月娥剛剛在其社交網站裏面 就已經講到有關於美國制裁對她的影響
佢對美國呢個國家非常之唔嚮往
和講到佢哋辦事係好粗疏等等 呢啲好似小學生鬧交的wordings
所以呢如果要講到不戰而屈人之兵嘅戰場裏面呢美國雖然一個好powerful嘅武器
中國的防守力其實都唔弱
我哋睇番香港本身的反對派
毛孟靜講到有關於呢一個即係美國制裁十一個中港的官員
咁當然啦感覺上好似這件事都為香港人出咗一啖氣咁樣
但劉兆佳都唔蠢 係最後道講美國今次嘅制裁行動
其實會反而係好正常咁就會激起
中國的更加強烈嘅應對反應
因為去到今時今日基本上民族主義
開始之後呢其實就好難突然之間停止
只可以繼續向前走
咁呢一個大家互相去你一拳我一腳 互相係制裁反制再制裁
係會繼續咁不斷越演越烈
老實講呢啲咁樣嘅推斷我相信正常有
中學生嘅知識嘅人其實都唔難去推演 不過我哋好多時候
當局者迷 大家認為美國嘅制裁可以令到中國跪低或者有強大嘅
祖國後盾支援嘅話 咁我哋終有一日會可以
打贏呢場仗
咁所以無論基本上支持
民主自由嘅價值觀
或支持中國民族主義嘅偉大復興都好啦
其實基本上 都係好天真好傻
認為呢件事好快會完結
其實真係唔會 所以說時遲那時快好快香港
政府或者香港警察好快就拉咗黎智英
之前講國安法剛推出的時候
就好似一把刀
或者佢點去行使呢一個法律呢其實就可以好闊
之前好多嘅video我哋都講
佢寫個條法律喺度究竟係點樣執法
其實先係最緊要
咁而家呢就係寫咗條法例出來
你action去製裁我哋嘅官員
我就報復去拉一啲支持你陣營的人
雙方都會不斷咁樣你一拳我一腳
美國亦都會因為你
繼續咁去打壓民主自由或者言論自由
我就會再加強制裁
而中方又再去到統一戰線
拉起民族主義旗號
咁大家會問呢個問題
啲人會點樣諗法呢
其實一個好簡單嘅concept
重賞之下呢
就必有勇夫
咁有時又唔到你
唔去諗呢啲陰謀論點解因為
剛剛拉完黎智英之後呢 今日呢一傳媒股價就升咗好幾倍 係講緊幾倍
somehow有兩個可能性 一就是在gesture上面嘅支持
第二個情況就類似嗰啲安家費的形式去派發
所以返去到今日主題 其實中美之間嘅新冷戰可以開始
咁大家都不能幸免
唯一大家可以做就係自求多福
其實一個好簡單嘅推斷
喺大家都互相去制裁反制之後
其實出嚟行嗰啲人呢就
自然遲早要還
咁自然嘅大家就知道呢就係
我要做一個嘅行為 自然有明碼實價的情況
當越嚟越少人
願意去參與呢個遊戲嘅時候
其實喺香港嘅官員慢慢會成為
即係比較強一個中共為一個中國民族主義嘅
先至會成為香港官員
其他人有機會去明哲保身
而慢慢呢一個咁樣嘅即係所謂叫做
二分法嘅情況之下
特區政府會繼續呢係走去支持
中國大陸或者是中國人民
偉大復興道路裡
但係由於呢個民主自由嘅普世價值已經植根在香港人嘅心裏面
美國其實的而且確可以達到不戰而屈人之兵個效果
但個問題是兩雄相遇
基本上呢好難好快咁分出勝負
咁如果係冇辦法生出勝負的話
咁呢場嘅冷戰或者叫做戰爭
或爭霸起碼都還有好幾年
十幾年以上
我喺呢度做個預測 剝住花生咁睇
好快可能會有香港官員嘅家人
或者香港前官員
喺美國或西方國家
被捕或找到一些犯罪證據
講咗咁耐香港喺中美爭霸嘅角色 我哋返返去
全球局勢多少少 或者睇多少少歷史
喺環球地緣政治裏頭呢 其實經常性都出現呢啲類似制裁嘅狀況
但香港過去作為一個國際金融中心好少會發生的情況因為大家都錫住香港
你睇睇過去嘅三幾年
美國其實制裁俄羅斯或車臣的官員
經常性都有嘅 但都有見到Donald Trump和普京
表面上有時幾friend下
呢個國際嘅環境裏頭經經常性都係咁
你中有我 我中有你 其實係難分敵我
但今次喺中美爭霸情況之下呢有少少
和美國關係不一樣
美國人心目中俄羅斯只是一個地區強國 但中國係挑戰世界霸權的一個泱泱大國
你再睇多少少歷史 中國人經常話即係香港人勾結外國勢力
我唔可以話錯 不過喺歷史上面裏頭
其實經常性都發生類似事情
遠去到吳三桂引清兵入關呢啲事情 大家都應該好熟識
近少少歷史第一次世界大戰嘅時候嘅歐洲戰場當年有種說法就係
列寧推翻俄羅斯沙皇尼古拉二世之前呢其實就係投靠於當時
喺呢個第一次世界大戰期間同埋俄羅斯敵對的德國
咁所以去到最後呢個布爾什維克推翻咗原有嘅沙皇政權之後
係和德國講和甚至割地求和
我常一句說話在口邊 是非對錯固然重要
但結果嘅好壞 大家又點衡量
大家都喺活在地球村裏面
人類怎分內外 其實呢個concept比較困難
但有一樣嘢喺二戰嘅歷史告訴我們
當一種意識形態和極端民族主義
兩股勢力之間互相抗衡嘅時候
往往是大形悲劇的開始
無論是第二次世界大戰嘅時侯的納粹德軍
或是一還是去到
近少少呢個柬埔寨屠殺一個
二百萬嘅柬埔寨人
呢啲歷史我哋仍然歷歷在目
有時我們讀歷史書只是一頁紙
但係佢是一代人嘅一生的生活
一開始我哋都講到中美爭霸之下香港嘅局勢呢會越嚟越亂 好似太陽由東邊升起一樣
今日想同大家講呢個concept
其實呢個地球裏面人與人
或國與國之間大家互相去有interaction或相互影響
其實係人類五千年歷史裡
每一日都如同太陽東邊升起一樣
係我哋需要處理嘅議題
喺片尾會同大家分享一段中國幾千年版圖轉變
大家睇完之後就會明白內外根本難分
平行時空 萬呎高空 政經融通 投資輕鬆
Drop Subs Here
First line starts at Updating... Updated